In piazèta la basagnôna
l’avéva e’mej(1)dla fróta bôna
avènd un bânc acsè asurtì
che i cuncurént i éra splì.
Sèmpar in şdē int n’ scarâna(2)
e paréva ch’l’avès la gnâgnâ,(3)
t’è t tulìtia só la fróta
paghênd dèndi la bòta,(4)
méntar in lój,(5)cun che chêld(6)
cvēşi tót l’è in arscheld
un impórta ta la gvêrda
a lia u j sudēva la barnêrda,(7)
cla grasa técia(8)a tót spiân
l’a s muvēva sèmpar piân,
l’a n’avéva al frapi in bóca(9)
e gèndi cvël l’a t mitēva in bròca.(10)
L’à i n’avéva par tót
rugênd a dri cvēşi a tót
l’éra e’ su möd ’d fê
zarchênd e’cliént da plê.
E. ’d Bartòz
1) e’mej = il meglio
2) scarâna = seggiola
3) la gnâgnâ =la fiacca
4) dèndi la bòta = scherzando
5) in lój = in luglio
6) che chêld = quel caldo
7) barnêrda = modo di dire di genitale
8) grasa técia = grassa inquartata
9) frapi in bóca = pieghe in bocca
10) mitēva in bròca = metteva a posto