I éra sèmpar i sculêr
che prèma dla scöla
is cumpréva e piaşēr
da mèts cvël(1)in gôla
l’éra un turmént
pinséndla ogni mumént
cun che bén ’d Dio
ut tuchéva di adio.
E manchéva i bajuchin(2)
nénc par tus un cvilin(3)
i pió furtunê t’a i avdìtia
cun dal sachi ’d rigulìzia(4)
a nô us piaséva i caricatù(5)
mó dal völti u j éra dal mù(6)
e i nón(7)is daséva du sùld(8)
avènd ’na masa d’anvùd.(9)
L’é stêda’na grând’dóna
ad cór e ’d natura bôna
cminzênd int e’cantôn
a mân drèta(10)de cumôn.(11)
E. ’d Bartòz
1) mèts cvël = mettersi qualcosa
2) i bajuchin = i soldi
3) un cvilin = un cosino
4) ’d rigulìzia = di liquerizia
5) i caricatù = tonde particelle di liquerizia
6) dal mù = tipo di caramella morbida
7) i nón = i nonni
8) du sùld = due soldi
9) d’anvùd = di nipoti
10) a mân drèta = a destra
11) de cumôn = del Municipio