L’éra bël avdê cal dóni
andê in zir cun al cariöli
vindénd fèti’d zóca còta
sèmpar bôna se la scòta,
cusinèda l’éra a e’ fôran
un pó bruşêda tót intóran
e d’un savôr acsè dilichê
da cuntintê nénca e’palê.(2)
Al n’éra zóchi acvarôşi (3)
pôchi dôlzi o stmagôsi (4)
cun cla cròsta int e’mëz
ch’la staséva dura un pëz,
l’éra zóca narbêda e tòsta (5)
acsè dôlza(6)da fêla apòsta, (7)
tót i Zariòt(8)i la cumpréva
e da brènda(9)is la magnéva.
I la vindéva int al cuntrêdi
rugènd(10)zocaaa..pr’al strêdi
fnèndla sèmpar tóta cvânta
parchè la fâma l’éra tânta.(11)
E. ’d Bartòz
1) LA ZÓCA = la zucca
2) nénca e’palê = anche il palato
3) zóchi acvarôşi = zucche acquarose
4) stmagôsi = disgustose
5) narbêda e tòsta = consistente
6) acsè dôlza = così dolce
7) fêla apòsta = farla apposta
8) tót i Zariòt = tutti i cervesi
9) da brènda = per merenda
10) rugènd = gridando
11) la fâma l’éra tânta = c’era molta fame