NAZARIO

L’Éra e’ fiöl dla pularöla

e nénc s’l’avéva za znê

l’avéva in bóca sta paróla

e adës, dôv andēm a magnē ?

L’éra cvēşi sèmpar afamê

specialmént ’d dóni, adanê,(1)

scurènd sèmpar ’d burdëli(2)

magnènd si piat ’d tajadëli,(3)

L’éra pió d’un quintêl e mëz

e u n’i staséva pió a lè tramëz

rinfurzènd balëstri e cusén(4)

calmènd cal dunèti dşamân.(5)

Un dè par evitê e’sôl e’d bévar

u s’avdèt sóta un brèt d’un mētar,

s-ciafénds un caplàz da mesichén

ch’un paréva gnânca ló, da vşén,

l’éra şbuchê(7)parècc e matariêl

e cvēşi, armàst incôra burdël,(6)

peró cvêlcadôn(8)’d nô il ciaméva

e cun ’na batuda spès il calméva.

                               E. ’d Bartòz

1)   adanê = disperato

2) ’d burdëli = di ragazze

 3) ’d tajadëli = di tagliatelle

 4) e cusén = e cuscini

 5) dşamân = maldestre

 6) burdël = bambino

 7) şbuchê = volgare

 8) cvêlcadôn = qualcuno