STRINGIMI

La maténa l’è žà alvè(1)

par dó cvëli da zimintè (2)

a fa d’òra ’d fê mëzdè

e via ’d côrsa mëz arsiè.(3)

E tira avénti tót e’dè

dbènd di flùt a vuluntê

t’a nè vìd mëj imbarig (4)

o se nò e fà i strabig,(5)

u la ciapa cvêlca völta

fasènd la faza stravölta

paró u s’avéja a strabigôn(6)

strisēnd i pén(7)cun e’casôn(8)

dal völti s’un ciùd i ócc

cvêlca nòta e và a ranòcc

un sa se ló u si magna

mó par zertôn i s’i ragna.

Cla pöra Eva cla şgrazìda

l’è uramëj tóta indarlìda(9)

a n’è savem cóma cla fàza

par supurtê ancôra sta raza.

                        E. ’d Bartòz

1) žà alvè = già alzato

2) da zimintè = da cementare

3) arsiè = assetato

4) mëj imbarig = mai ubriaco

5) fà i strabig = tirarsi dietro

6) strabigôn = trascinandosi

7) i pén = i pini

8) e’casôn = il cassonetto della vespa

9) indarlìda = vecchia corrosa