(det cali bachi)
Bôn cóm’n pëz’d pân
che tót a j vlémia bèn
un magnéva la mnëstra
par córar sóbit a l’Astra,(0)
tót i dè cun chi cartlôn
taca e staca int e’tablôn
u i inciudéva drèt e fès
timurôş ch’i s’s-ciudês.(1)
U t’avnéva ad drida a pè(2)
cun la gabâna(3)fen’i znòcc(4)
sèmpar pina ad nò sò che
e in saca un gròs manòcc.(5)
Dmandêj cvèl ch’l’avéva
che gnânc u tarspundéva,
l’éra sèmpar in zir cun tót
bastènd ’d paghêj un guciót.(6)
E cujiéva(7)tót al lucândēni(8)
’d ch’agl’artésti pió blēni
e dóp a tént ân’d scarabatlēr(9)
a ca, l’avéva impinì un sulēr.(10)
E.’d Bartòz
0) a l’Astra = al cinema astra
1) s’s-ciudês = si schiodassero
2) ad drida a pè = dietro a piedi
3) la gabâna = la giacca
4) fen’i znòcc = fino alle ginocchia
5) manòcc = malloppo di stracci
6) un guciót = un cono di gelato
7) cujiéva = raccoglieva
8) lucândēni = manifesti
9) scarabatlēr = scartabellare
10) impinì un sulēr = riempi un solaio