TRUCOLO

L’éra dvintè un bön amig

e u l’avdéva nénc un zig (1)

mè a turnèva cvēşi a si öri

zughènd tót e dè dal söri,

tót i dè cvând ch’à pasèva

da la finëstra um ciamèva

e stagnéva tót cal pgnati(2)

par cal doni mëzi mati,

cal rumpèva i pgnatén

nènc in tësta a i buratén,

l’éra un pchê che fòs znin

mó e faséva bén e stagnin

l’indrizèva sèmpar i cvircc(3)

nënca par i pió tircc (4)

ch’i n paghèva mëj e lavôr

che ló e fasèva cun amôr

AUGUSTO l’éra e su nóm

e ló ul purtèva cóm e lóm

ch’l’arlusèva(5) a ló dacânt (6)

sémpr’azés e luşént

un s’è mëj muntê la tësta

nénc dóp, se n’artèsta

la scrivèt un libar cun amôr,

“e’stagnin da la gózla d’ör”.(7)

                  E. ’d Bartòz

1) Un zig = un cieco

2) Pgnati  = pentole

3) I cvircc = i coperchi

4) Pió tircc = più avari

5) Arluséva = riluceva

6) a ló dacânt = vicino a lui

7) “e’stagnin da la gózla d’ör”.=

    lo stagnino dalla  goccia d’oro

    ( Grazia Deledda )