I  VTURÉN(1)

J’é sparì d’igna mân i vtur(2)
che da la piaža e da la štaziôn
i staséva da stê žirt viažadur
chi vnéva in fērji int al penšiôn.(3)

Avdēj in fila cun st’al cavali,
al caròži lóštri cun dù divén(4)
tölti a l’alvêda(5)d’dent’r al stali
cun l’umbrilôn frânžê ’d lén;(6)

l’éra un bël avdê da cartuléna
cun macèti e tót ’d bôna lâna,
ch’it ’ducéva(7)da šó la vèta
par cavèt i bajóc da la buršèta.

Una maša ’d lô j’éra in apêlt
e se l’avtura l’andéva a l’hotël
i stridéva al rödi(8)int l’asfêlt,
şvintulènd a pr’êria e’capël.

Cun l’avént ’d ste bël prugrëš
e šta situažiôn dl’incvinamént,
avèm cardù d’avê avù de šuzëš,(9)
mó a j avèm sôl tôlt i šnamént.(10)

                             E. ’d Bartòž

(1) I  VTURÉN  = I vetturini
(2) d’igna mân i vtur = di mano in mano i vettori
(3) in fērji int’l pinšiôn = in ferie in pensione
(4) lóštri cun dù divén = lucide con due divani
(5) a l’alvêda = allo spuntar del sole
(6) frânžê ’d lén = con frange di lino
(7) ’ducéva = adocchiavano
(8) al rödi = le ruote
(9) de šuzëš = del successo
(10) sôl tôlt i šnamént = rimasti solo al gioco