I  ZAMBĒLG (1)

Cun la fâm’ch’u s’avéva
an ciùdémia mëj un ócc
e a la nòta chi ch’putēva
i s’aviéva a ciapê i ranócc.

Arivémia a là da Şbròži(2)
cun fanêl,šfróžtna(3)e sac,
cóma tânti galéni cróži(4) 
bagnê frēd(5)bàtènd i tac.

Mó cvând che cânta la ranëla
lò al s vö’ bagnê’ la pëla,
e t’à li sintìtia d’in žima e’fòš
scapužènd sèmpar int i scalòš.(6)

Infrocia(7)’d qua e sfila ’d là
a rimpémia e sac pr’andèš a ca,
mó şvuitèndi dòp int la mastëla
a pinšémia’d frèži(8)cun la pastëla;

mó de cânt dla sēra butèndi’n ócc
a m’incörž ch’u j’è cvël ch’un và:
cun ste dóbi, zambēlg o ranócc,(9)
la mâ,vdèndi,(10)ridènd la s n’i n và.

                                  E.’d Bartòž

  (1) I ZAMBĒLG= i rospi
  (2) da Şbròži = valle agricola Cesenate
  (3) šfróžtna = fiocina
  (4) galéni cróži = galline malandate
  (5) bagnê frēd = bagnati fradici
  (6) int i scalòš =nelle buche
  (7) Infrocia = infilza
  (8) ’d frèži = di friggerli
  (9) zambēlg o ranócc = rospi o rane
(10) la mâ,vdèndi, = la mamma vedendoli