LA LAVANDÊRA(1)

Al purèti dal nóst nóni
cvânt bughêdi(2)al fašèt
şlužènd(3)cal camişôni,(4)   
mudândi e cvêlc curšèt,(5)

al fašèva par sparâgnê
cun la žèndra(6)de camén;
acšè l’éra tót gvadâgnê
mitènd via di bajuchén.(7)

I l’à mitéva int e’paröl(8)
ôri e ôri cun dal pretēşi
š-ciafènd’(9)i pân a mòl(10)
e bulèndi sôra al brēşi,(11)

a la fén l’éra tót rân(12)
acšè bôn par immurbjì(13)
şmujènd(14)tót chi pân
che speš j s’éra inzâlì.(15)

Cal mastëli tóndi ’d legn
pini d’acva fèna e’ bôrd,
a pinšêli j à ’vù dl’inžegn
e incù(16)l’è sôl un ricörd.

La fadìga ’d ogni lavêda
cal pör vëci al l’à fašèt
pinšènd a cla š-ciantêda(17)
prèm’d mètli int e’cašèt.(18)

                   E. ’d Bartòž

(1) LA LAVANDÊRA = la lavandaia
(2) cvént bughêdi = quanti bucati
(3) şlužènd  = diloiando
(4) cal camişôni = quelle camicione
(5) cvêlc curšèt  = qualche giubbettino
(6) la žèndra  = la cenere
(7) di bajuchén =dei soldini
(8) int e’paröl  = nel caldaio
(9) š-ciafènd’ = mettendo
(10) i pân a mòl = i panni a mollo
(11) sôra al brēşi = sopra le bracia
(12) rân = ranno / ammorbidente
(13) par immurbjì  = per ammorbidire
(14) şmujènd = ammollando
(15) inzâlì = ingialliti
(16) e incù = e oggi
(17) š-ciantêda = strapazzata
(18) int e’cašèt = nel cassetto