LA  MUSCËLA (1)

Us fà scur in nuvèmbar
cun témp nibios e piuvi
a la sēra dòp e’ vëspar
gužlôn a caplèt e diluvi.

Curènd a róta’d còl
a buratèl(2)int i canēl,
andènd ch’u i pi a mól
pischènd(3)cun i stivēl;

cun vânga e un bidôn
a cavémia fôra i gnèšcul
e se e’témp un éra bôn
a fašèmia speš e’mèšcul,(4)

u j n’éra tént a là in tëra;
e infilèndi cun de cutôn
a furmémia ’na muscëla,
stašènd žó a gnargatôn.(5)

Còr ’d côrša int i canēl,
i à mulê l’acva pròpi adëš,
e in dô’sarài i mi umbrël
dimpartót e förši a e’cëš.(6)

Arvès(7)ch’la pöra umbrëla
e botla int l’acva şvarsêda,(8)
ligla(9) a tè cun ’na curdëla
bëla rubósta e impirulêda;

in bêca i buratèl, peró i s’ataca
e st’an t cì fê o st’a n’é i réni
a völti t fé la figura de pataca(10)
andènd a muscëla int al latréni.(11)

                            E. ’d Bartòž

   (1) LA  MUSCËLA =
         mazzetto di lombrichi
   (2) buratèl = anguille
   (3) e pischê = e pescare
   (4) fašèmia speš e’mèšcul =
        afflizione prima di piangere
   (5) a gnargatôn = a carponi
   (6) e’cës = al gabinetto
    (7) Arvès = apri
   (8) şvarsêda = rovesciata
   (9) ligla = legala
 (10) de pataca = dello sciocco
 (11) int al latréni = nelle latrine