A e dè d’incù

L’ è la föla d’una fêrsa
se chi cmânda i fa cumpêrsa
sénza fê gnânc ‘na piga
i sa mès tót cvânt in riga.

L’è stê fat nénc un dirizént
par tnis tót  i emolumént
i tla mandê fintent a l’ëstar
par s-ciafês sóta sequëstar.

Da nô un gnera sóta mân
mó par zertôn un i cunvén.
A l’avëmia za predet
ch’is faséva un bël brudèt.

E adës s’avlìv
che da l’esecutìv
andes’m a fê nénc i garzôn
e scusi “us pò”ai növ padrôn.

Lôr i viv ad preputénza
eliminênd la resisténza
l’è ‘na ròba da vargógna
da scansêj evitênd la rógna.

U i è sôl un cvèl da di
se t’pù,vèitla sóbit sóra du pi,
la pulètica la n’é un upignôn
e si putës it mitréb a c.. busôn.

E ad Bartoz