A  LÀ  TRAMËZ

         
L’É UN BËL FAT SE TIRA E’ VÉNT
E’NÈNC S’L’INCROSTA UN É CUNTÉNT
MÒ LÓ US  N’IN FRÉGA DE GARBÉN
QUÈL CHE CÔNTA L’ É DBÉ DE VÉN;

E’ ZIRA E’ FRÓLA PR’AL VARZËLI
MEJ SCHÊLZ  CHE CUN AL PIANËLI.
PISTÊND  CUN GRÊZIA  I  VARGULÉN
E’ PÉNSA SÈMPAR  A E’ BICIR DE VÉN.

A LÀ TRA MËZ CUN CHE CHÊLD AFÔS
U  I  CIAPA SPEŞ UN GRÂND NARVÔS, 
MÒ SE PUTËS AVË  A  LE  D’AVŞÉN
UNA  BËLA  PÌDRIA  PINA  AD VÉN

U  I  FARÊB I  RÈZ  A  CHI CAVDÉN
CAVÉND I CÙDAL CÒMA E’CUNVÉN.
PERÓ UN A E’ TÉMP AD FÊ  ‘NA SÓSTA
A  LÀ  TRAMËZ  DASÉND  ZÓ  CRÓSTA;

E’GUÊRDA SPEŞ CUN LA CÔDA D’LÒCC
CURÉND E’RIŞG AD DVINTÊ ŞBARLÒCC
PAR LÓ E’ SARÊB ‘NA RÒBA GRÂNDA
DBÈND STULGHÊ  SÔRA ‘NA BRÂNDA

                                                 E.ad Bartoz