AL  DÒ  PÈRA

Int l’ân de cvarântàdò
o zirca a lè d’avsén
s’t’vlitia avèn nènc dó
te t’fasitia sôl de bén

l èra ancôra la’d’travērs
par la gvëra,chi sgrazì
e ‘na masa nénc dispērs
sènza fês mai pió sintì

E i tugnìn par fês dispét
I s’alagêt tót e distrèt
e nô truvèndas a lè dimpét
ad aviêsla i sa custrèt

E nô tra un càz e un sdàz
a cargêsum pu e nòst sêl
sénza avé ch’l’imbaraz
d’avdél a sfês int e’canêl

                  E. ad Bartoz