Che   cariöl

Che böja ad che cariöl
S’t’al castigh u t sloca e’còl             
par furtôna ch’l’è ’d legn
e chi’l fasét l’avét dl’inzegn

che cun cal do stânghi
par furtôna pió lónghi
u t’alzìres che strazi
cavêndal t da sôra’l brazi.

Nò carghêl ’na gran masa           
s’nò la casa la t’è scuncasa        
l’é sèmpar a’rdos de zèman
se t l’arbòrt nò in scurèman,        

cun cla spörta sôra e’cariöl
s’t’an stê ’ténti u t s-ciânta e’còl     
carg a mul gnichênd la pólsa       
rugénd e’gras cl’è int la bôrsa.

Só e zó  da i pi a la tómba            
scarghêndal cóma’na bómba
u i n’è sèmpar du,dal völti tri
fasênd al côrsi par nò stê indrì

specialmént si dà e’barcôn
cun al prèm gózli e fà e’rudôn     
bàst spargója ’na zèmna ’d sêl    
sénza pinsê che e và da mêl.     

E. ad Bartoz

arbort     =  rovesciare
pólsa      =  chiodo dove gira
la ruota
barcôn   =   pulire la salina
rudôn     =  incrostazione
spargója =  cospargere
zèmna    =  una manciata