CLA LÔVA DL’ARMÈSA

Cvând u’s scór d’armèsa
la stasôn l’è za smèsa
e la burcêla da la bua
i ‘tla sfila da la prua

I ‘tla da bëla varnisêda
par putê èsar carchêda
tirènd pu cun la rësta
nénc int i dè ad fësta

E só e zó cun la barëla
pr’impinì, cla burcëla
zarchénd cun óna prôva
s’us putéva fê una lôva

La si fasèva cvêlca völta
sperènd cl’n’andês störta
s’ t’avditia chl’éra còta
t’ ciapitia sóbit ‘na bòta

E cvând e bus u s’avdéva
cun un varbêl it multéva
e,e ciutur sénz’óna piga
ut mitéva sóbit in riga

                 E. ad Bartoz

Rësta= corda da traino 

Lôva  = specie di vuoto
Ciutur = finanziere