CVI DLA ZÉNTRELA

I prişintén dla zéntrela
i j dasèva dla grân pëla
cun di tùran dè e nòta
truvêndas sèmpar sóta.

E la gvêrgia int e’ scur
it’la faséva a muş dur
cuntrulênd da che canêl
ch’in purtês via e’ sêl.

Un bël dè che finanzir
curênd dri a un bracunir
e şbrisêt da ‘na trêva
caschênd cóm’una cêva.

U s’avdêt sol e ciutùr
che tnēva só cla pèna
zirênd cva e là sicùr
fèn’e’caşël ‘d Ravèna.

Da che dè par tu’i in zir
a n’i ciamêmia finanzir
e’d gvêrgia int e’ scur
j’éra sèmpar di ciutùr

                  E. ad Bartoz

Prişintén = finanzieri
Trêva      = trave di legno
Ciutùr     = tappo di sugaro