DA   C E L Ê S T

Cvând ch’u j éra pöc da fê
a s’ avdèmia là in che prê
e s’ u j éra de brót témp
a scapèmia cóma i lémp.

E a zarchèmia d’incuntrês
là,...in tla stala ad Celêst,
nô suplént un pò lazarôn
a n’avèmia di padrôn

Parò da bôn burdlaz
a fasèmia spes i càzàz
a scurèmia sèmpar ad sêl
che par nô l’éra e piò bël

Nénc sa sèmia cvàtar gat
a ridèmia cóma i mat
is daséva nénc la côlpa
se manchéva da nô la Vôlpa

E s’u j éra pu nénc Picôn
i s’arduséva da i trì barcôn
a gèmia fat véra mai zuzêst
là,..in tla stala ad Celêst

                                         E.ad Bartoz