Davânti a  e cariöl

Durânt l’utma gvëra
i s na dê’nénc dó pēra
un pê int e’spiântapès
in tânt par imbadarlês.

D’alôra l’è pasê tânt témp
ch’an ló cvēşi pió int la mént
parò a m’arcörd, da babin
ch’a sugnêva un bël zuglin,

a m’inzgnêva e l’éra vēra
strulghēnd cvèl ch’un gnēra,
a curêva só e zó a rótadcòl
mó i m’rugêva “tira e cariöl”.

L’éra un zug ch’u n i vlēva
mó la ma, la l’implurēva
dòp l’éra urgujósa de su fiöl
che tirêva davânti a e cariöl

                          E. ad Bartoz