E  CARIÖL

T’a l caich da la stânga
mò te da ësar in gâmba
s t’an t vu ingambarlê
şvarsênd che sêl cavê,

şe sguela int e’ cavdén
zērca ad fê e birichén
cójal nénc s l’è pöc bël
cun panira e palunzël.

S’it manda a l’infēran
tè arbaltê int e’zèman
e zarchênd ad cójarl só
L’è mej  t’al lasa zó.

S’us spaca pu ‘na pólşa
u s’avrès cóma ‘na bôrsa
şvarsênds sôra la vērga
tòt da cla spörta carga.

L’è che mëz ad traspört
che e va via nénca stört
e cvânt e cménza a gnichê
s-ciafi de gras a vuluntê.

                        E. ad Bartoz