E   Z Ó R A N
( G o t t a z z a )

Cun chi cavdén da scacarè
l’èra un bël fàt a sgavarè
e’ pr’ e sêl ch’un sé cavè
adès is toca pù nënc lavè

Cl’àcva nënc sl’èra spörca
a la vlèmia tnì par scörta
parché nënc sa sgavarémia
da e zéman a la druvémia

L’èra nënc ’na böna régula
ad furè e bùs dla pindégula
alzénd e livèl de zéman
par zurnèrla cun e zòran

E capitét un dè a un têl
che cmandéva da generêl
muvéndas còm’ un avtöma
l’andèva zà cvési in cöma

Lö forsi e vléva fê e sburôn
cazénd mèl zuran int e gaitôn
mò s’i n’andéva sôbit a ciamèl
e ruzléva fòrsi zò int e canèl

E. ad Bartoz