I CAVADÙR DAL”MILÉNI”

Ad tót e cumprensori al “MILÉNI”
agl’ i’ era al grândi dal saléni
parchè i cavdén i era zènt
e i faséva pavura a tót cvènt

Nénc a cvìi che int e scùr
i cavéva e sêl da cavdùr.
I s’infiléva ‘na giacàza
prutizéndas da la gvàza

I cminzéva in sti cavdën
schêlz e in mudandën
truvêndand nénc dal völti
tre o cvēsi cvàtar spörti

I druvéva ad lègn ona panira
cl’an dvintéva gnânc’alzira
i svintulêva chi palunzël
cóm’ ertesta int i vidël

Avénti indrì dai vargulën
no truvèndi mai la fén
sculênd cl’acva int l’uriöl
i impiniva la casa de cariöl

Il caichêva par al stânghi
dri e zèman e sôra al vērghi
chi şgrazì i éra ona bomba
só e zó da i pi a la tómba

I grundêva da l’ imbès-cìa
par aviêsla da sta mès-cìa
gióst l’amstir di Zariòt
che il fasêva cvēsi tót.

E.ad Bartoz

Caichêva = spingevano
da l’ imbès-cìa = dalla rabbia
Zariòt = Cervesi
Spörti = casse di sale
Vidël = sale spinto nel bacino