I  SLUFĒ

OGNI TÉNT A  S’ARDÙSEM
PAR MAGNÊ PIÓ CA PUTĒM
L’È UN PIASĒ  AVDĒJ D’INTÒRAN
A CHE FUGÔN AVSÉN E ZÔRAN

CHI APARĒCIA O IMBÒCIA E VÉN
SBARLUCÊND INT E CAVDÉN
U J’E DLA CHÊRNA,DAL CUSTULĒTI
SÈMPAR MEJ CHE DAL PULPÈTI

S’IS NA DA CH’U J È I GRASUL
I SI RAGNA GRATÊNDS E CUL
I N’A PAZÉNZIA AD STÊ DA STÊ
RUDÊND LA LÉMA PAR TAJÊ

I GUÊRDA SPES INT LA GARDËLA
ZARCHÊND AD CAPÊ LA PIÓ BËLA
I LA MAGNA NÉNC SLA N’È CÒTA
BUTÊNDLA ZÓ NÉNC SLA SCÒTA

VERS LA FÉN E SVUITÊND CAL BÒCI
A CANTÊM SÈMPAR INSÉM A I SÒCI
AD NÒTA L’È MEJ A N’AVÉ LA LUS
O SE NÒ A PARĒSUM DI MÈSTRINDUS

                                            E. ad Bartoz

RAGNA = litigare
MÈSTRINDUS = mastro indugio
SBARLUCÊND = sbirciando
ZÔRAN = Gottazza