I  SUPLÉNT                                                                               
As truvémia in che calènc
e a curémia tót in brènc
mò un bël dé, de zincvàntòt
i s lasèt tót int un bòt

I s fasèt ’na surpresa
dòp a tânta fadìga spesa
nô a spèrémia d’andè a pòst
mò al ciapêsum in che pòst

Par furtôna che i pió tént
i avèva da mètar’s sóta i dént
mò par ch’itar chi sgrazì
i rugèva e d’instizì

Al salèni i li ciùdêt
andènd avènti cóma predêt
mò nô tistèrd e vècc bacoc
as scalzèm nénc cun e siròc

A lavurêm int la Camilôna
sénza des a la carlôna
mò fasènd de sêl da premi
cun la pasiôn di vuluntèri

La saléna l’è ’na förza
che sôl nô avém sta scörza
par tirè avènti  sta cultura
ch‘l’è pió förta d’là natura

                   E. ad Bartoz