LA BURCËLA

I la tirêva pr’e’ canêl
silénta e pina ad sêl
cun utânta quintêl
carga sèna a l’urël,

l’éra grişa e pöca bëla
mó par nô cla burcëla
l’éra fónta ad gvadâgn
Par che còtum a fén dl’ân.

In faséva mai ‘na fësta
cvi t’tiréva cun la rësta
e par cvi tulênd e rém
i viazéva sèmpar insém.

Sóta l’acva i şbarléva
nénc quând che piuvéva
prëst ed côrsa a carghê
arivênd préma a scarghê.

Una lòta côntra e témp
ch’ut s-ciantéva i fiânc,
evitênd int e’ stès témp
dandê pu nénca in biânc.

                E. ad Bartoz