LA  SGAVARĒDA

Cvând tir só cla mêlta
Evita d’avè l’acva êlta
E s t’a n’é dla malìzia
La n s’asuga in prìsia.

se tira de bôn vént
i grêd i va in aumént,
t’vù fê ‘na şgavarêda
tranquèla e raşunêda?

tù tóti al precauziôn
mişurênd la gradaziôn,
nò la fê cun pöc grêd
che t’at la chêv d’ rêd,

ânzi cvânq t’a i códg
cal tègi al fâ di rògg,
nò crèsar la gradaziôn
se nò t fnès zó‘d ruzlôn.

Cun e cavdén inamurê
t’an se pió cóma lavurê
e se pu t’a n’i crêd
tēni sóta ‘d zdót grêd.

                     E. ad Bartoz

şgavarêda = pulire i cavedini
gradaziôn = densità acqua salata
grêd         = gradi densità Beaumé
códg        = cilindrare i cavedini
zdót grêd = diciotto gradi