LA TÓMBA

Che spiaz par la saléna
l’è e regn d’na suvréna
la pê cvēsi dişinvölta
zircundêda da la völta.

I in fa ad tót al razi
stamzêndla tót i dè
nénca da cal bël fazi
che da nô a e dòpmëzdè

cun la scuşa ad rimirê
la saléna ch’u i è avânzê
al camēna cun de tachèt
infilênd nénc e trinchét.

Se capita pu ‘na scöla
i camēna sôra la pscóla
e pê ch’i faza apòsta
bagaténd’s pu la cròsta.

Sénz’atrez la pê mörta
e non tót i la supörta,
mó cvând int e’pió bël
t’a i s-ciáf e mónt de sêl

t’a i regäl un munumént
fat cun che sintimént
d’na vëcia tradiziôn
par la növa generaziôn.

                    E. ad Bartoz

stamzêndla = calpestandola
tachèt         = sudiciume
trinchét      = chiusa acqua centrale
pscóla        = bagnato
bagaténd’s = rovinandoci
mónt de sêl= cumulo del sale