LÈSCAR  o  GRASËLI

Da nö is a trova nénc d’abrìl
Sta i sèmn in témp int e curtìl
cvji dal salèni i è sambadg
e is a trova dà e mēs ad màz

sóra i rivél e indipartòt
spuntènd èsil un po’ ardòt.
A nuvèmbar i cmènza a fiurì
fasènd la mara par rifiurì.

E la smènta l’armèn in tëra
fiurènd l’ân dòp cóm in sëra,
us vèd dal völti dal burdëli
cujiénd nò cvji,mò dal grasëli.

Parchè st’èrba gnânc apòsta
da i lèscar l’an s discosta,
cujiénd in prìsia cal burdëli
sènza dés ch’a gli è grasëli

e znênd a têvula tòt intôran
i s’i magnêt tòt cóma cuntôran,
dòp u i ciapêt  ’na scvaciarëla
cl’an tarpèva gnânc l’umbrëla.

                           E. ad  Bartoz