L’INIZI DLA STAŞÔN

In invēran l’è alaghêda
mantnēndas acsè bagnêda,
vērs i prèm d’abril
e vèn cl’amig zintil

Ch’u t’arvès e trinchêt
mulênd cl’acva da che lët
cla şgvazê tót l’invēran
cavêndla sèn’ a l’etēran.

La saléna cóma d’incânt
l’afiōra int un mumént
starluchênd da chi cavdén
cla tëra gnara ad paltân

e cla bôrda vērda de biş
raşênd la spónda de rivêl
l’è riuscida ad implachis
int al grasëli de canêl.

T’la gvérd cóm cla s’avéia
e’t péns cun cla maravèja,
che cvând e’sôl l’arschêlda
u t’tóca tirê só tóta la mêlta.

E. ad Bartoz

trinchêt = chiusa centrale salina
starluchênd = brillando
cavdén =  bacini salanti
tëra gnara = di natura argillosa
paltân = fango nero
bôrda vērda = strato di alghe
biş = alghe d’acqua stagnante 
implachis =  spiaccicata
grasëli = statice limonium (erba)