UN ZARIÒT

 A nascêt un dè int e Bôrg                  
Int la cvêrta pörta de subôrg
i tribulêt tót cla nòta ad maz,
försi am’ vlëva za tum de caz.

Las fasêt lónga cla calêda
mó i spitêt tót fén a l’alvêda,
la Mamâna cativa pió de gêvul
la s magnêt parsèna un chêvul

méntar in piaza sunênd e bòt
l’avnèva ‘e mónd un è t’ Zariòt.
In stasèva pió int la pëla
méntar ch’i tajêva la zambëla.

E fr’abraz, cänt e bēs
i brindēt cun de sanzvēs
e âncor prèma ch’advês lóm
im mitêt Elvino ‘d nóm.

Dòp avê lasê i mi aparëcc
a cardêva che dvintênd vëcc
ad finì i mi dè da pinsiunê
magàra zòp, sdintê e strancalê

e gudēm la vita cóm ch’us putéva
mó la n’è andèda cóma c’avléva,
am só ardót vuluntêri cun chi burdèl
che int la Camilôna armê ‘d palunzèl

I lavôra cvând ch’us po’ e cun critēri
par dimustrê ch’i fa int e sēri
l’éra distén che invézi ‘dl’urluzêr
avês fat a la fén nénca e salinêr

E.ad Bartoz