STI USLAZ

La sarèb bëla la saléna
s l’an fós cvērta la maténa
e se qvêlcadôn un intervén
i sarà pió che i minghitén.

I s’in vôla là vērs mëzdè
parchè tót i s và à inguzê
i s’avèia insém in pajêda
vērs la mundèza dla Tajêda.

I artorna tót a vôl radânt
che da pin i è pió pesânt
sfiurênd cun a gl’i ēli i fòs
gumitênd da nô nénc a gl’os.

E s’ i n s fasès pu schiv
a i putrèsum dei e’digestiv,
u s patès d’avdê sta rógna
e par Zirvia l’è ‘na vargógna.

I s n’in fót pròpi tót
magnênd försi indipartòt,
mó a Ziznàtich u i cunvén
sparagnêndas di cvatrén.

                           E. ad Bartoz

Zirvia = Cervia
Ziznàtich = Cesenatico
gumitênd = vomitando
fót = fregarsene
cvatrén. = quattrini