ROBASÊL

It mèt sémpar in bal
specialmént cvi de Cral
zarchênd tót al stupéni
scurênd mêl dal saléni.

I la j’à cun i vuluntêri
nénc’s’avēm pió critêri
parchè a fasēm de sêl
biänc,pulid,gros e bël,

mó i se vèn a purtê via
cun dal spörti purchisia
It fa di buş invirusemil
ch’u i starèb un sumergebil.

Nô tra l’êtar cun pazénzia
sénz’avé gnânc la blânza
a zarchêm ad ciùdar i buş
Sénz’ ësar di mèstrinduş,

cavênd incôra ‘na vôlta
e sperênd int ‘na şvölta,
mó a la fên e tót al nòti
i cuntinua a dès dal bòti.

                    E.ad Bartoz